Reparto de libros do banco da ANPA

Listaxe provisional das solicitudes da prestación de apoio ao comedor escolar curso 2025/2026

Unha vez rematado o prazo e efectuada a avaliación, por parte da Comisión de Valoración, publícase a Listaxe Provisional, co estado das Solicitudes da Prestación de Apoio ao Comedor Escolar, para o curso 2025/2026.  

Ampliación do prazo de solicitude do banco de libros para 3⁰ de primaria

Benqueridas familias:

Inaugurada a exposición da Aula Verde!

Hoxe na Fábrica tivo lugar a inauguración da exposición “Artistadas”, con cadros de creación colectiva a cargo do alumnado de infantil da Aula Verde do CEIP Valle Inclán, da man da súa mestra Victoria Seoane Carrillo.

A ela asistiron o Concelleiro Delegado de Cultura e Ensino, Ramón Maceira Giadanes, e representantes do Concello de Oleiros. Tamén un numeroso grupo de mestres e mestras, compañeiros de Vicky, a dirección do centro e por suposto, moitas familias, que arrouparon a estes artistas e á súa mestra nun acto moi emotivo e cargado de significado.

Podedes visitar a mostra dende o 4 ao 18 de xullo en horario de luns a venres, de 9.00 a 14.00 horas na Fábrica, en Perillo.

Aproveitade esta oportunidade para desfrutar e sentir coa mirada da infancia.

Parabéns a Vicky polo seu traballo, impecable, e a toda a cativada da Aula Verde !!!

Xunta Directiva ANPA Valle Inclán

Aberto o prazo para facerse familia socia da ANPA Valle Inclán

Boas!

Xa está aberto o prazo para facerse familia socia da ANPA Valle Inclán. 

Tedes toda a información na web e na plataforma de Miampa.

Como familia socia non só podes desfrutar dos servizos xestionados pola ANPA e participar activamente na toma de decisións da asociaciónm senón que ó inscribirte contribúes a que se poidan desenrolar moitos outros proxectos e actividades no noso colexio.

Xuntos facemos o camiño!

Inauguración exposición pintura da Aula Verde Infantil CEIP Valle Inclán

🎨 O Centro Cultural A Fábrica, en Perillo, acollerá desde o venres 4 de xullo a exposición dos cadros de creación colectiva da Aula Verde de Infantil CEIP Valle Inclán.

📆 A inauguración será o vindeiro venres 4 de xullo ás 12:00 horas no Centro Cultural A Fábrica, Perillo.

🕒 A exposición poderá ser visitada do 4 ao 18 de xullo en horario de luns a venres, de 9.00 a 14.00 horas.

Campamento de Ciencia 2025

Estimadas familias,

Este verán no CEIP Valle Inclán desenrólase novamente o Campamento de Ciencia 2025, grazas ó Clube de Ciencias xestionado por profesorado do noso colexio durante o curso e en colaboración coa ANPA.

Dirixido á cativada de 9 a 12 anos, está aberto a alumnado doutros centros.

Ten programadas moitas actividades: excursións á Facultade de Ciencias da UDC e á Casa das Ciencias, obradoiros, experimentos, rutas a pé...

Con horario de 9:00 a 14:00 h, este verán está organizado en dúas quendas polo gran número de inscricións :

· 1ª Quenda: 30 xuño, 1, 2, 3 e 4 e xullo de 2025

(PRAZAS COMPLETAS)

· 2ª Quenda: 7, 8, 9, 10 e 11 xullo

PRAZAS DISPOÑIBLES

Prezo: 70€/semana

Desconto do 10% sobre o segundo irmá/irmán

Incricións: https://serocio.com/reserva-plaza-campamento-ciencia-2025/

Animádevos a participar, temos un número de prazas limitadas e asignaranse por estrito orden de inscrición. Reserva xa a túa praza!!

Xunta Directiva ANPA Valle Inclán

Exhibicións 18 xuño: HOCKEY - 20 xuño: ARTE e ACRODANCE

Benqueridas familias:

Xa estamos na última semana curso e o verán está moi preto. Para celebralo convidámosvos ás distintas exhibicións das actividades extraescolares.

Esta semana, o mércores 18 de xuño, poderedes ver ó alumnado de Hockey a partir das 16:15h no pavillón.

O venres 20 ÁS 16:00h, será a inauguración da MOSTRA DE ARTE do alumnado de NósArte, no patio interior do edificio de primaria e terá lugar a EXHIBICIÓN do alumnado de Acrodance no pavillón.

Achegádevos, dámoslle a benvida ó verán!!!

Xunta Directiva ANPA Valle Inclán

"La crianza", por Erb Mon

Xa coñecemos o título da pintura mural creada polo artista Erb Mon coa participación de todo o alumnado do CEIP Valle Inclán, grazas a un proxecto impulsado pola ANPA Valle Inclán: "La crianza".

Con este título o artista quere agasallar a todas as nais e pais da cativada do noso colexio.

Esta obra de arte xa forma parte do vínculo dos nenos e nenas coa súa escola e pertence a toda a comunidade.

Agradecidas de poder ter vivido esta experiencia.

Xunta Directiva ANPA Valle Inclán

ARTE MURAL NO COLEXIO

Boas!

Hoxe Erb Mon está a rematar a súa pintura mural, un traballo dirixido polo artista no que toda a cativada do colexio puido colaborar e participar durante estas tres últimas semanas.

Unha obra de arte moi especial, tanto polas súas dimensións, o seu formato e a técnica artística, como pola enerxía entregada: todo un reto!!

Agradecemos infinitamente toda a implicación ofrecida por Erb e Eli para a consecución dos obxectivos pedagóxicos da actividade, que coas as súas explicacións quixeron amosar ás crianzas o valor do traballo en equipo e os beneficios da arte para toda a comunidade.

Unha sorte coñecelos e compartir con eles esta experiencia e o proceso, cheo de vida.

A súa obra, cuxo título é unha sorpresa e mañá coñeceremos, queda con nós e permanecerá para deleite de paseantes, da veciñanza e das familias do colexio, testemuña do esforzo, a bondade e o cariño depositados nela por Erb Mon e Eli.

Un resultado que vai máis alá da propia pintura mural e da arte.

Unha xoia única que xa pertence a todos e todas nós e que debemos atesourar e conservar xuntos.

Xunta Directiva ANPA Valle Inclán

Exhibicións 13 xuño: ROBÓTICA - ESTREA TEATRO MUSICAL "ANNIE"

Benqueridas familias:

Xa queda menos para fin de curso e para celebralo convidámosvos ás distintas exhibicións das actividades extraescolares.

Esta semana, o venres 13 de xuño, poderedes ver os proxectos de Robótica a partir das 17:00h e terá lugar a estrea do musical “Annie” a partir 17:30 h.

Achegádevos, dámoslle a benvida ó verán!!!

Xunta Directiva ANPA Valle Inclán

Enquisa: uso de pantallas e EDixgal

Estimadas familias,

tal e como se comunicou en asemblea e no Consello Escolar, dado o alto número de inquedanzas e dúbidas que as familias levan transmitido sobre o uso das pantallas na escola, a Xunta Directiva da ANPA Valle Inclán preparou unha enquisa para que realicen as familias do colexio entorno ó uso das pantallas en horario lectivo e o emprego de Edixgal no colexio.

É unha enquisa anónima, permanecerá dispoñible ata o 31 de xullo. Os resultados expoñeranse ante o  Consello Escolar.

Podedes realizala premendo na seguinte ligazón: https://forms.gle/JAYGAeC47P4JVvEn8

Moitas grazas de antemán pola vosa colaboración.

Xunta Directiva ANPA Valle Inclán

Convocatoria das prestacións de apoio ao comedor escolar para o curso 2025/2026

Estimadas familias,

Está aberto o prazo de presentación das solicitudes para a prestación de apoio a comedor escolar para o curso 2025/2026, este prazo finalizará o luns 30 de xuño.

Na Ordenanza de Medidas pola Inclusión Social do Concello de Oleiros (BOP 91 do 24/10/2024) está recollida, no seu Título IV, a prestación de apoio ao comedor escolar.

Basket na rua

O vindeirio  curso 2025/26 gustaríanos contar con baloncesto como actividades extraescolar, para que todos podamos coñecer devandito deporte , estamos convidados polo  " Club Baloncesto Montrove" as seguintes xornadas.

Festa Fin de curso 2024 2025

Benqueridas familias:

O día venres 20 de xuño a ANPA Valle Inclán convídavos a súa Festa da Praia de Fin de Curso, organizada coa colaboración do concello e da escola.

Será pola tarde, entre as 16:00 e as 19.30 h. Toda a comunidade educativa da nosa escola poderá participar nesta festa para dar a benvida ó verán.

Lembrade que a partires das 16:00 h. non haberá monitorado para facerse cargo do alumnado, polo que as crianzas deberán vir acompañadas dun adulto que deberá supervisalas en todo momento, e farase responsable do que merenden durante a festa. Poderemos desfrutar dos espazos exteriores do colexio, pero non estará permitido o acceso ao invernadoiro. Pregamos a vosa colaboración para evitar que se repitan os incidentes das anteriores festas. 

Aquí tedes o programa da festa:

16:00 h.

- EXHIBICIÓN do alumnado de Acrodance, no pavillón.

- MOSTRA DE ARTE do alumnado de NósArte, no patio interior do edificio de primaria.

- MERENDIÑAS. Apertura dos postos de venda das familias de 6º de EP para recadar fondos para a viaxe de fin de curso.

16:30 h.

- ACTUACIÓN do alumnado de 6º Ed. Inf. " Verdiñ@s e Laranxiñ@s" para despedir a etapa de infantil, organizada polas súas titoras. O lugar da actuación será a pista de cores.

16:45 h.

- ACTUACIÓN DA BANDA “DÚO DENO”, formada por Kiko Reimúndez e Johnny Bello, que tocarán para nós versións de clásicos famosos, nas inmediacións do pavillón.

17:30 h.

- XIMCANA FAMILIAR

- XOGOS DE AUGA (RECOMENDABLE TRAER MUDA, TOALLA E CHANCLETAS!!)

- FOTOMATÓN (de 17.30 a 19.30)

DICÍMOSLLE OLA Ó VERÁN e queremos celebralo con vós!!! Atrevédevos a lucir os vosos mellores LOOKS para a praia.

Queremos ver moitas camisas de flores, pamelas, gorras, pareos, flotadores, chancletas, gafas de sol... e, en definitiva, os vosos outfits máis domingueiros e “horteras”.

AGARDÁMOSVOS!!!

Xunta Directiva ANPA Valle Inclán

Convocatoria de asemblea extraordinaria 5/6/2025

CONVOCATORIA DE ASEMBLEA EXTRAORDINARIA

ORDE DO DÍA:

EXHIBICIÓNS FIN DE CURSO 2024 2025

PINTURA MURAL COLABORATIVA CON ERB MON

Estimadas familias,

Outro curso máis, a ANPA Valle Inclán quere agasallar a toda a comunidade educativa e acercar o arte a toda a cativada do noso colexio!

Como lembraredes, o curso pasado a compañía teatral N+1 actuou en fin de curso para todo o alumnado, achegando a arte circense ó cole Valle Inclán coa súa obra “Circanelo”.

Este curso contaremos con Erb Mon, artista plástico internacional especializado en murais de gran formato. O proxecto, organizado pola ANPA e concibido por Erb Mon, consiste na creación dun mural colaborativo na que vai participar todo o alumnado do centro baixo a súa dirección.

A zona escollida para levar a cabo esta pintura é o muro exterior do peche perimetral do colexio, un total de 325 m2 que acollerán as cores e as formas da súa obra, inspirada na natureza e que busca estimular a imaxinación de todos os que a contemplen.

Hoxe deu comenzo esta actividade, que persegue varios propósitos: hai un interese educativo, ó incluír ás crianzas na mellora e coidado da súa propia contorna, compartindo a experiencia creativa, ademais de prestar un servizo ó conxunto da veciñanza ó transformar un espazo de convivencia e facendo que a arte sexa útil, accesible e construtiva.

Durante as próximas semanas veredes traballar no muro ó artista Erb Mon e á súa asistente Eli. Todo o alumnado participará na execución da obra (467 nenos e nenas de infantil e primaria), acompañado dos seus titores e titoras en horario lectivo. Desfrutarán do proceso e moi pronto do resultado final, que estamos desexando contemplar.

Podedes coñecer algo máis deste artista e da súa obra mural premendo nas seguintes ligazóns:

https://erbmon.art/about/

https://erbmon.art/

A Xunta Directiva da ANPA quere agradecer a colaboración do CEIP Valle Inclán para levar a cabo esta actividade e por suposto ó Concello de Oleiros polo seu inestimable apoio e toda a axuda prestada neste proxecto, coma sempre, para promover un ensino público de calidade.

Xunta Directiva ANPA Valle Inclán

Encontro sábado 24/05/2025 Familias Inquedas

Estimadas familias,

Escola de familias 22/05/2025: "Acompañamento emocional na primeira infancia"

Boas!!

Este xoves 22 terá lugar a quinta e última charla da Escola de Familias deste curso, “Acompañamento emocional na primeira infancia”.

O paso de infantil a primaria representa un cambio significativo, non só na metodoloxía de aprendizaxe. Nesta charla, coñeceremos ferramentas adecuadas para acompañar aos nosos fillos e fillas nesta transición, facilitando a súa adaptación, axudándolles a afrontar novos retos académicos e emocionais con seguridade e confianza, e desenvolvendo, de forma progresiva, un novo enfoque de estudo.

A actividade está dirixida a toda a comunidade educativa (pais, nais e docentes) e será facilitada por Clara Rodríguez, orientadora educativa con ampla experiencia en educación formal e formación de futuros docentes.

Será unha moi boa ocasión para aprender a axudar á nosa cativada.

ANIMÁDEVOS!

Xunta Directiva ANPA Valle Inclán

IMPORTANTE:

A inscripción realizarase no seguinte formulario: Inscripción Escola de Familias

A ANPA pon a disposición dos asistentes un servizo de canguraxe para poder atender á cativada durante a celebración da Escola de Familias (entre as 16:00 e as 18:00 horas). Para facer uso del é imprescindible inscribir ós menores previamente a través do formulario.

Os asistentes non socios da ANPA deberán abonar unha cota de 4€ por obradoiro. A cota deberá abonarse en efectivo no local da ANPA (horario de luns a venres de 16:00-18:00h ).